ایک استاد نے اپنے شاگرد کو انوکھا سبق دیا

*ایک استاد نے اپنے شاگرد کو انوکھا سبق دیا*


ایک عالم اپنے ایک شاگرد کو ساتھ لیئے کھیتوں میں سے گزر رہے تھے ۔ چلتے چلتے ایک پگڈنڈی پر ایک بوسیدہ جوتا دکھائی دیا ۔ صاف پتہ چل رھا تھا کہ کسی بڑے میاں کی ھے ۔ قریب کے  کسی کھیت کھلیان میں مزدوری سے فارغ ہو کر اسے پہن کر گھر کی راہ لیں گے ۔

شاگرد نے جناب شیخ سے کہا  : کیسا رہے گا کہ تھوڑی دل لگی کا سامان کرتے ہیں ۔ جوتا ادھر ادھر کر کے خود بھی چھپ جاتے ہیں ۔ وہ بزرگوار آ کر جوتا مفقود پائیں گے تو ان کا رد عمل دل چسپی کا باعث ہو گا
شیخ کامل نے کہا  : بیٹا اپنے دلوں کی خوشیاں دوسروں کی پریشانیوں سے وابستہ کرنا کسی طور بھی پسندیدہ عمل نہیں ۔ بیٹا تم پر اپنے رب کے احسانات ہیں  ایسی قبیح حرکت سے لطف اندوز ہونے کے بجائے اپنے رب کی ایک نعمت سے تم اس وقت ایک اور طریقے سے خوشیاں اور سعادتیں سمیٹ سکتے ہو اپنے لیئے بھی اور اس بیچارے مزدور کے لیئے بھی ۔ ایسا کرو کہ جیب سے کچھ نقد سکے نکالو اور دونوں جوتوں میں  رکھ دو ۔پھر ہم چھپ کے دیکھیں گے جو ہو گا۔
بلند بخت شاگرد نے تعمیل کی اور استاد و شاگرد دونوں جھاڑیوں کے پیچھے دبک گئے
 کام ختم ہوا ۔ بڑے میاں نے آن کر جوتے میں پاءوں رکھا تو  تو سکے جو پاءوں سے ٹکرائے تو ایک ہڑبڑاہٹ کے ساتھ جوتا جو اتارا تو وہ سکے اس میں سے باہر آگئے ۔ ایک عجیب سی سرشاری اور جلدی میں دوسرے جوتے کو پلٹا تو  اس میں سے سکے کھنکتے باہر آگئے ۔
اب بڑے میاں آنکھوں کو ملتے ہیں ۔ دائیں بائیں نظریں گھماتے ہیں ۔ یقین ہو جاتا ھے کہ خواب نہیں تو آنکھیں  تشکر کے آنسوؤں سے بھر جاتی ہیں ۔ بڑے میاں سجدے میں ہو جاتے ہیں :
استاد و شاگرد دونوں سنتے ہیں کہ وہ اپنے رب سے کچھ یوں مناجات کر رہے ہیں
میرے مولا میں تیرا شکر کیسے ادا کروں ۔ تو میرا کتنا کریم رب ہے ۔ تجھے پتہ تھا کہ میری بیوی بیمار ھے ۔ بچے بھی بھوکے ہیں۔ مزدوری بھی مندی جا رہی ھے ۔ تو نے کیسے میری مدد فرمائی ۔ ان پیسوں سے بیمار بیوی کا علاج بھی ہو جائے گا ۔ کچھ دنوں کا راشن بھی آ جائے گا

 ادھر وہ اسی گریہ و زاری کے ساتھ اپنے رب سے محو مناجات اور دوسری طرف استاد و شاگرد دونوں کے ملے جلے جذبات اور ان کی آنکھیں بھی آنسوؤں سے لبریز۔
کچھ دیر کے بعد شاگرد نے دست بوسی کرتے ہوئے عرض کیا
استاد محترم ۔ آپ کا آج کا سبق کبھی نہیں بھول پاءوں گا ۔ آپ نے مجھے مقصد زندگی اور اصل خوشیاں سمیٹنے کا ڈھنگ بتا دیا ھے۔
شیخ جی نے موقع مناسب جانتے ہوئے بات بڑھائی
بیٹا ۔ صرف پیسے دینا ہی عطا نہیں بلکہ
- باوجود قدرت کے کسی کو معاف کرنا  ﻋﻄﺎﺀ ھے .
- مسلمان بھائی بہن کے لیئے غائبانہ دعا  ﻋﻄﺎﺀ ھے .
- کسی کو معذور سمجھنا ، نیک گمان کرنا بھی  ﻋﻄﺎﺀ ھے .
- مسلمان بھائی بہن کی عدم موجودگی میں اس کی عزت کی حفاظت ﻋﻄﺎ ھے۔