*دلچسپ معلومات*_ _*ﺣﻀﺮﺕ ﺩﺍﻭٔﺩ ﻋﻠﯿﮧ ﺍﻟﺴّﻼﻡ*_ _*ﮐﻢ ﺳِﻦ ﺩﺍﺋﻮﺩؑ ﮐﯽ ﭘﮩﻠﯽ ﻓﺘﺢ*_

ﻗﻮﻡِ ﻋﻤﺎﻟﻘﮧ ﮐﮯ ﻇﺎﻟﻢ ﻭ ﺟﺎﺑﺮ ﺑﺎﺩﺷﺎﮦ، ﺟﺎﻟﻮﺕ ﮐﯽ ﻓﻮﺝ ﮐﮯ ﻣﻘﺎﺑﻠﮯ ﻣﯿﮟ ﺻﻒ ﺍٓﺭﺍ ﺑﻨﯽ ﺍﺳﺮﺍﺋﯿﻞ ﮐﮯ ﺑﺎﺩﺷﺎﮦ، ﺣﻀﺮﺕ ﻃﺎﻟﻮﺕ ﮐﮯ ﻟﺸﮑﺮ ﻣﯿﮟ ﺍﯾﮏ ﮐﻢ ﻋُﻤﺮ ﻧﻮﺟﻮﺍﻥ ﺑﮭﯽ ﺍﭘﻨﯽ ﻏﻠﯿﻞ ﮐﮯ ﺳﺎﺗﮫ ﺷﺎﻣﻞ ﺗﮭﺎ، ﮐﯿﻮﮞ ﮐﮧ ﻧﻮ ﻋُﻤﺮ ﮨﻮﻧﮯ ﮐﯽ ﻭﺟﮧ ﺳﮯ ﺍُﺳﮯ ﺍﺳﻠﺤﮧ ﻧﮩﯿﮟ ﺩﯾﺎ ﮔﯿﺎ ﺗﮭﺎ۔ ﺟﺎﻟﻮﺕ ﺟﺴﻢ ﮐﻮ ﺳﺎﻣﺎﻥِ ﺣﺮﺏ ﺳﮯ ﺳﺠﺎﺋﮯ، ﻧﮩﺎﯾﺖ ﺭﻋﻮﻧﺖ ﺍﻭﺭ ﺗﮑﺒّﺮ ﺳﮯ ﺷﺎﮨﯽ ﺳﻮﺍﺭﯼ ﭘﺮ ﺑﯿﭩﮭﺎ ﺍﮨﻞِ ﺍﯾﻤﺎﻥ ﮐﻮ ﺩﻋﻮﺕِ ﻣﺒﺎﺭﺯﺕ ﺩﮮ ﺭﮨﺎ ﺗﮭﺎ۔ ﺍﺑﮭﯽ ﺑﻨﯽ ﺍﺳﺮﺍﺋﯿﻞ ﮐﺎ ﯾﮧ ﭼﮭﻮﭨﺎ ﺳﺎ ﻟﺸﮑﺮ ﮐﻮﺋﯽ ﻓﯿﺼﻠﮧ ﺑﮭﯽ ﻧﮧ ﮐﺮ ﭘﺎﯾﺎ ﺗﮭﺎ ﮐﮧ ﺍﭼﺎﻧﮏ ﺍُﻥ ﮐﯽ ﺻﻔﻮﮞ ﻣﯿﮟ ﻣﻮﺟﻮﺩ ﯾﮧ ﮐﻢ ﻋُﻤﺮ ﻧﻮﺟﻮﺍﻥ ﻋﻘﺎﺏ ﺟﯿﺴﯽ ﺑﺮﻕ ﺭﻓﺘﺎﺭﯼ ﺳﮯ ﺑﺎﮨﺮ ﻧﮑﻼ ﺍﻭﺭ ﺟﺎﻟﻮﺕ ﮐﮯ ﺳﺎﻣﻨﮯ ﭘﮩﻨﭻ ﮐﺮ ﺍُﺳﮯ ﻟﻠﮑﺎﺭﻧﮯ ﻟﮕﺎ۔ ﮔﻮﺷﺖ ﮐﮯ ﭘﮩﺎﮌ، ﻟﺤﯿﻢ ﺷﺤﯿﻢ ﺍﻭﺭ ﻃﻮﯾﻞ ﺍﻟﻘﺎﻣﺖ ﺟﺎﻟﻮﺕ ﻧﮯ ﺣﯿﺮﺕ ﮐﮯ ﺳﺎﺗﮫ ﻧﻮﺟﻮﺍﻥ ﮐﻮ ﺩﯾﮑﮭﺎ، ﺗﻮ ﺣﻘﺎﺭﺕ ﺳﮯ ﺑﻮﻻ ’’ ﺟﺎ ! ﻣﯿﺮﯼ ﺍٓﻧﮑﮭﻮﮞ ﮐﮯ ﺳﺎﻣﻨﮯ ﺳﮯ ﺩُﻭﺭ ﮨﻮ ﺟﺎ، ﻣَﯿﮟ ﺗﺠﮭﮯ ﻗﺘﻞ ﮐﺮﻧﺎ ﭘﺴﻨﺪ ﻧﮩﯿﮟ ﮐﺮﺗﺎ۔ ‘‘ ﺑﮯ ﺧﻮﻑ ﻧﻮﺟﻮﺍﻥ ﻧﮯ ﺑﺎﺩﺷﺎﮦ ﮐﯽ ﺍٓﻧﮑﮭﻮﮞ ﻣﯿﮟ ﺍٓﻧﮑﮭﯿﮟ ﮈﺍﻝ ﮐﺮ ﮔﺮﺝ ﺩﺍﺭ ﺍٓﻭﺍﺯ ﻣﯿﮟ ﺟﻮﺍﺏ ﺩﯾﺎ ’’ ﻟﯿﮑﻦ ﺗﺠﮭﮯ ﻗﺘﻞ ﮐﺮﻧﺎ ﻣﺠﮭﮯ ﭘﺴﻨﺪ ﮨﮯ۔ ‘‘ ﭘﮭﺮ ﻓﻠﮏ ﭘﺮ ﭼﻤﮑﺘﮯ ﺳﻮﺭﺝ ﮐﯽ ﺗﯿﺰ ﺭﻭﺷﻨﯽ ﻣﯿﮟ ﺍﺭﺽ ﻭ ﺳﻤﺎ ﻧﮯ ﺍﯾﮏ ﺣﯿﺮﺕ ﺍﻧﮕﯿﺰ ﻣﻨﻈﺮ ﺩﯾﮑﮭﺎ۔ ﻧﻮﺟﻮﺍﻥ ﮐﯽ ﻏﻠﯿﻞ ﺳﮯ ﮔﻮﻟﯽ ﮐﯽ ﻃﺮﺡ ﻧﮑﻠﮯ ﭘﺘﮭﺮ ﺳﮯ ﺟﺎﻟﻮﺕ ﮐﺎ ﻣﺘﮑﺒّﺮ ﺳَﺮ ﭘﺎﺵ ﭘﺎﺵ ﮨﻮ ﭼُﮑﺎ ﺗﮭﺎ ﺍﻭﺭ ﺍُﺱ ﮐﺎ ﻃﺎﻗﺖ ﻭَﺭ ﺟﺴﻢ ﺯﻣﯿﻦ ﭘﺮ ﺍﻭﻧﺪﮬﮯ ﻣﻨﮧ ﭘﮍﺍ ﺗﮭﺎ۔ ﯾﮧ ﺳﺐ ﺍِﺗﻨﺎ ﺍﭼﺎﻧﮏ ﮨﻮﺍ ﮐﮧ ﺟﺎﻟﻮﺕ ﮐﯽ ﺍﺳﻠﺤﮯ ﺳﮯ ﻟﯿﺲ ﻓﻮﺝ ﮐﻮ ﺳﻨﺒﮭﻠﻨﮯ ﮐﺎ ﻣﻮﻗﻊ ﮨﯽ ﻧﮧ ﻣﻼ ﺍﻭﺭ ﻭﮦ ﺑﺪﺣﻮﺍﺱ ﮨﻮ ﮐﺮ ﺑﮭﺎﮒ ﮐﮭﮍﯼ ﮨﻮﺋﯽ۔ ﯾﮧ ﻧﻮﺟﻮﺍﻥ ﺍﯾﮏ ﭼﺮﻭﺍﮨﺎ ﺗﮭﺎ، ﺟﻮ ﺳﺎﺭﺍ ﺩﻥ ﺟﻨﮕﻞ ﻣﯿﮟ ﺑﮑﺮﯾﺎﮞ ﭼَﺮﺍﯾﺎ ﮐﺮﺗﺎ ﺍﻭﺭ ﻏﻠﯿﻞ ﺳﮯ ﺑﮑﺮﯾﻮﮞ ﮐﮯ ﻗﺮﯾﺐ ﺍٓﻧﮯ ﻭﺍﻟﮯ ﺩﺭﻧﺪﻭﮞ ﮐﻮ ﻣﺎﺭ ﺑﮭﮕﺎﺗﺎ، ﻟﯿﮑﻦ ﻗﺪﺭﺕ ﻧﮯ ﺗﻮ ﺍﺱ ﮐﮯ ﻟﯿﮯ ﺑﮍﮮ ﻓﯿﺼﻠﮯ ﮐﺮ ﺭﮐﮭﮯ ﺗﮭﮯ۔ ﺍﻟﻠﮧ ﺗﻌﺎﻟﯽٰ ﻧﮯ ﭘﮩﻠﮯ ﺍُﺳﮯ ﺑﻨﯽ ﺍﺳﺮﺍﺋﯿﻞ ﮐﺎ ﺑﺎﺩﺷﺎﮦ ﺑﻨﺎﯾﺎ ﺍﻭﺭ ﭘﮭﺮ ﺍُﺳﮯ ﻧﺒﻮّﺕ ﺍﻭﺭ ﺭﺳﺎﻟﺖ ﮐﮯ ﻋﻈﯿﻢ ﻣﻨﺼﺐ ﭘﺮ ﻓﺎﺋﺰ ﻓﺮﻣﺎﯾﺎ۔ ﻗﺮﺍٓﻥِ ﭘﺎﮎ ﻣﯿﮟ ﺍﺭﺷﺎﺩ ﮨﮯ ’’ ﺩﺍﺋﻮﺩؑ ﻧﮯ ﺟﺎﻟﻮﺕ ﮐﻮ ﻗﺘﻞ ﮐﺮ ﮈﺍﻻ ﺍﻭﺭ ﺍﻟﻠﮧ ﻧﮯ ﺍُﻥ ﮐﻮ ﺑﺎﺩﺷﺎﮨﯽ ﺍﻭﺭ ﺩﺍﻧﺎﺋﯽ ﺑﺨﺸﯽ ﺍﻭﺭ ﺟﻦ ﺟﻦ ﭼﯿﺰﻭﮞ ﮐﺎ ﭼﺎﮨﺎ، ﺍُﻧﮭﯿﮟ ﻋﻠﻢ ﺩﯾﺎ۔ ‘‘ ‏( ﺳﻮﺭۃ ﺍﻟﺒﻘﺮﮦ، 251 ‏)

ﺣﺴﺐ ﻧﺴﺐ، ﻧﺒﻮّﺕ ﻭ ﺑﺎﺩﺷﺎﮨﯽ

ﺣﻀﺮﺕ ﺩﺍﺋﻮﺩؑ 965 ﻗﺒﻞِ ﻣﺴﯿﺢ ﻓﻠﺴﻄﯿﻦ ﻣﯿﮟ ﭘﯿﺪﺍ ﮨﻮﺋﮯ۔ ﺍٓﭖؑ ،ﺣﻀﺮﺕ ﺍﺑﺮﺍﮨﯿﻢ ﻋﻠﯿﮧ ﺍﻟﺴّﻼﻡ ﮐﯽ ﻧﺴﻞ ﻣﯿﮟ ﺳﮯ ﺗﮭﮯ۔ ﻣﺤﻤّﺪ ﺑﻦ ﺍﺳﺤﺎﻕؓ، ﺣﻀﺮﺕ ﻭﮨﺐ ﺑﻦ ﻣﻨﺒﮧؒ ﮐﮯ ﺣﻮﺍﻟﮯ ﺳﮯ ﺗﺤﺮﯾﺮ ﮐﺮﺗﮯ ﮨﯿﮟ ﮐﮧ ﺣﻀﺮﺕ ﺩﺍﺋﻮﺩؑ ﭘَﺴﺘﮧ ﻗﺪ ﺗﮭﮯ۔ ﺍٓﻧﮑﮭﯿﮟ ﻧﯿﻠﯽ ﺗﮭﯿﮟ، ﺟﺴﻢ ﭘﺮ ﺑﺎﻝ ﺑﮩﺖ ﮐﻢ ﺗﮭﮯ، ﭼﮩﺮﮮ ﺳﮯ ﭘﺎﮐﯿﺰﮔﯽ ﺟﮭﻠﮑﺘﯽ ﺗﮭﯽ، ﻧﮩﺎﯾﺖ ﮨﻢ ﺩﺭﺩ، ﻗﻮﯼ، ﺑﮩﺎﺩﺭ ﺍﻭﺭ ﻧﮉﺭ ﮨﻮﻧﮯ ﮐﮯ ﺳﺎﺗﮫ، ﺣﮑﻢ ﺭﺍﻧﯽ ﺍﻭﺭ ﻓﯿﺼﻠﮧ ﮐﺮﻧﮯ ﮐﯽ ﻗﻮّﺕ ﺗﺤﻔﮧٔ ﺧﺪﺍﻭﻧﺪﯼ ﺗﮭﯽ۔ ﺣﻀﺮﺕ ﺩﺍﺋﻮﺩؑ ﺳﮯ ﻗﺒﻞ ﺑﻨﯽ ﺍﺳﺮﺍﺋﯿﻞ ﻣﯿﮟ ﻧﺒﻮّﺕ ’’ ﺍٓﻝِ ﻻﻭﯼ ﺑﻦ ﯾﻌﻘﻮﺏؑ ‘‘ ﻣﯿﮟ ﭼﻠﯽ ﺍٓﺭﮨﯽ ﺗﮭﯽ، ﺟﺐ ﮐﮧ ﺑﺎﺩﺷﺎﮨﺖ ﺩﻭﺳﺮﮮ ﺧﺎﻧﺪﺍﻥ ’’ ﯾﮩﻮﺩﺍ ﺑﻦ ﯾﻌﻘﻮﺏؑ ‘‘ ﻣﯿﮟ ﺗﮭﯽ، ﻟﯿﮑﻦ ﺍﻟﻠﮧ ﺭﺏّ ﺍﻟﻌﺰّﺕ ﻧﮯ ﭘﮩﻠﯽ ﻣﺮﺗﺒﮧ ﺩﻭﻧﻮﮞ ﺍﻋﺰﺍﺯﺍﺕ ﺍﯾﮏ ﮨﯽ ﺷﺨﺼﯿﺖ ﻣﯿﮟ ﺟﻤﻊ ﻓﺮﻣﺎ ﺩﺋﯿﮯ۔ ﺣﻀﺮﺕ ﺩﺍﺋﻮﺩؑ، ﺍﻟﻠﮧ ﮐﮯ ﺑﺮﮔﺰﯾﺪﮦ ﻧﺒﯽ ﺍﻭﺭ ﺭﺳﻮﻝ ﺗﮭﮯ ﺍﻭﺭ ﺑﺎﺩﺷﺎﮦ ﺑﮭﯽ۔ ﺍﻧﺒﯿﺎﺋﮯ ﮐﺮﺍﻡؑ ﻣﯿﮟ ﺣﻀﺮﺕ ﺍٓﺩﻡ ﻋﻠﯿﮧ ﺍﻟﺴّﻼﻡ ﮐﮯ ﺑﻌﺪ ﺣﻀﺮﺕ ﺩﺍﺋﻮﺩؑ ﮨﯽ ﻭﮦ ﭘﯿﻐﻤﺒﺮ ﮨﯿﮟ، ﺟﻨﮩﯿﮟ ﻗﺮﺍٓﻥِ ﮐﺮﯾﻢ ﻧﮯ ’’ ﺧﻠﯿﻔﮧ ‘‘ ﮐﮯ ﻟﻘﺐ ﺳﮯ ﻧﻮﺍﺯﺍ۔ ﻗﺮﺍٓﻥِ ﮐﺮﯾﻢ ﻣﯿﮟ ﺍﺭﺷﺎﺩ ﮨﮯ ’’ ﺍﮮ ﺩﺍﺋﻮﺩؑ ! ﮨﻢ ﻧﮯ ﺗﻤﮩﯿﮟ ﺯﻣﯿﻦ ﭘﺮ ﺧﻠﯿﻔﮧ ﺑﻨﺎ ﺩﯾﺎ، ﺗﻢ ﻟﻮﮔﻮﮞ ﮐﮯ ﺩﺭﻣﯿﺎﻥ ﺣﻖ ﮐﮯ ﺳﺎﺗﮫ ﻓﯿﺼﻠﮯ ﮐﺮﻭ۔ ‘‘ ‏( ﺳﻮﺭﮦٔ ﺹ 26 : ‏)

ﺯﺑﻮﺭ ﻋﻄﺎ ﻓﺮﻣﺎﺋﯽ ﮔﺌﯽ

ﻗﺮﺍٓﻥِ ﮐﺮﯾﻢ ﮐﯽ ﺳﻮﺭﮦٔ ﺑﻨﯽ ﺍﺳﺮﺍﺋﯿﻞ ﻣﯿﮟ ﺍﺭﺷﺎﺩ ﮨﮯ ’’ ﺍﻭﺭ ﮨﻢ ﻧﮯ ﺑﻌﺾ ﭘﯿﻐﻤﺒﺮﻭﮞ ﮐﻮ ﺑﻌﺾ ﭘﺮ ﻓﻀﯿﻠﺖ ﺑﺨﺸﯽ ﺍﻭﺭ ﺩﺍﺋﻮﺩؑ ﮐﻮ ﺯﺑﻮﺭ ﻋﻨﺎﯾﺖ ﮐﯽ۔ ‘‘ ﺳﻮﺭۃ ﺍﻟﻨﺴﺎﺀ ﻣﯿﮟ ﺍﺭﺷﺎﺩِ ﺑﺎﺭﯼ ﮨﮯ ’’ ﺍﻭﺭ ﮨﻢ ﻧﮯ ﺩﺍﺋﻮﺩؑ ﮐﻮ ﺯﺑﻮﺭ ﺑﮭﯽ ﻋﻨﺎﯾﺖ ﮐﯽ ﺗﮭﯽ۔ ‘‘ ‏( ﺍٓﯾﺖ 163 ‏) ﺍﻣﺎﻡ ﺑﻐﻮﯼؒ ﻧﮯ ﺍﭘﻨﯽ ﺗﻔﺴﯿﺮ ﻣﯿﮟ ﻟﮑﮭﺎ ﮨﮯﮐﮧ ﺯﺑﻮﺭ ﺍﻟﻠﮧ ﮐﯽ ﮐﺘﺎﺏ ﮨﮯ، ﺟﻮ ﺣﻀﺮﺕ ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﭘﺮ ﻧﺎﺯﻝ ﮨﻮﺋﯽ۔ ﺍﺱ ﻣﯿﮟ ﺍﯾﮏ ﺳﻮ ﭘﭽﺎﺱ ﺳﻮﺭﺗﯿﮟ ﮨﯿﮟ، ﺟﻮ ﺩﻋﺎﺋﻮﮞ ﺍﻭﺭ ﺣﻤﺪ ﻭ ﺛﻨﺎﺀ ﭘﺮ ﻣﺸﺘﻤﻞ ﮨﯿﮟ۔ ﺗﺎﮨﻢ ﺍُﻥ ﻣﯿﮟ ﺣﻼﻝ ﻭ ﺣﺮﺍﻡ ﺍﻭﺭ ﻓﺮﺍﺋﺾ ﻭ ﺣﺪﻭﺩ ﮐﺎ ﺑﯿﺎﻥ ﻧﮩﯿﮟ ﮨﮯ۔ ﺯﺑﻮﺭ ﮐﮯ ﻟﻐﻮﯼ ﻣﻌﻨﯽ ’’ ﭘﺎﺭﮮ ‘‘ ﯾﺎ ’’ ﭨﮑﮍﮮ ‘‘ ﮐﮯ ﮨﯿﮟ۔ ﺩﺭﺍﺻﻞ، ﺯﺑﻮﺭ ﮐﮯ ﻧﺰﻭﻝ ﮐﺎ ﻣﻘﺼﺪ ﺗﻮﺭﺍﺕ ﮐﯽ ﺗﮑﻤﯿﻞ ﺗﮭﺎ، ﺍﺱ ﻟﯿﮯ ﮔﻮﯾﺎ ﯾﮧ ﺗﻮﺭﺍﺕ ﮨﯽ ﮐﺎ ﺍﯾﮏ ﺣﺼّﮧ ﯾﺎ ﭨﮑﮍﺍ ﮨﮯ۔ ﺯﺑﻮﺭ، ﺍﻟﻠﮧ ﺗﺒﺎﺭﮎ ﺗﻌﺎﻟﯽٰ ﮐﯽ ﺣﻤﺪ ﻭ ﺛﻨﺎﺀ ﺳﮯ ﻣﺰﯾّﻦ ﮨﮯ ﺍﻭﺭ ﺣﻀﺮﺕ ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﮐﻮ ﺍﻟﻠﮧ ﺗﻌﺎﻟﯽٰ ﻧﮯ ﺩِﻝ ﻧﺸﯿﻦ ﺍٓﻭﺍﺯ ﺍﻭﺭ ﺳﺤﺮ ﺍﻧﮕﯿﺰ ﻟﺤﻦ ﻋﻄﺎ ﻓﺮﻣﺎﯾﺎ ﺗﮭﺎ۔ ﺍٓﭖؑ ﺟﺐ ﺯﺑﻮﺭ ﮐﯽ ﺗﻼﻭﺕ ﻓﺮﻣﺎﺗﮯ، ﺗﻮ ﻭﺟﺪ ﺍٓﻓﺮﯾﻦ ﺗﻼﻭﺕ ﺳﮯ ﻣﺴﺤﻮﺭ ﮨﻮ ﮐﺮ ﭼﺮﻧﺪ، ﭘﺮﻧﺪ، ﺩﺭﺧﺖ، ﭘﮩﺎﮌ، ﺟﻦ ﻭ ﺍﻧﺲ، ﺩﺭﯾﺎ ﻭ ﺳﻤﻨﺪﺭ ﯾﻌﻨﯽ ﺳﺐ ﺍﻟﻠﮧ ﺗﻌﺎﻟﯽٰ ﮐﯽ ﺣﻤﺪ ﻭ ﺛﻨﺎﺀ ﻣﯿﮟ ﻣﺤﻮ ﮨﻮ ﺟﺎﺗﮯ۔ ﺍﺳﯽ ﻟﯿﮯ ﺍٓﺝ ﺗﮏ ’’ ﻟﺤﻦِ ﺩﺍﺋﻮﺩﯼ ‘‘ ﺿﺮﺏ ﺍﻟﻤﺜﻞ ﮨﮯ۔ ﻣﺴﻨﺪِ ﺍﺣﻤﺪ ﻣﯿﮟ ﺣﻀﺮﺕ ﺍﺑﻮﮨﺮﯾﺮﮦؓ ﺳﮯ ﻣﺮﻭﯼ ﮨﮯ ﮐﮧ ﺭﺳﻮﻝِ ﺍﮐﺮﻡﷺ ﻧﮯ ﻓﺮﻣﺎﯾﺎ ﮐﮧ ’’ ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﭘﺮ ﻗﺮﺍٔﺕ ﮐﻮ ﺍٓﺳﺎﻥ ﺍﻭﺭ ﮨﻠﮑﺎ ﮐﺮ ﺩﯾﺎ ﮔﯿﺎ ﺗﮭﺎ۔ ﻭﮦ ﺍﭘﻨﮯ ﮔﮭﻮﮌﮮ ﭘﺮ ﺯﯾﻦ ﮐﺴﻨﮯ ﮐﺎ ﺣﮑﻢ ﻓﺮﻣﺎﺗﮯ ﺍﻭﺭ ﺍﺱ ﺳﮯ ﭘﮩﻠﮯ ﮐﮧ ﺯﯾﻦ ﮐَﺴﯽ ﺟﺎﺗﯽ، ﺍٓﭖؑ ﭘﻮﺭﯼ ﺯﺑﻮﺭ ﺗﻼﻭﺕ ﮐﺮ ﭼُﮑﮯ ﮨﻮﺗﮯ۔ ‘‘ ﺣﻀﻮﺭ ﻧﺒﯽ ﮐﺮﯾﻢﷺ ﺟﺐ ﺣﻀﺮﺕ ﺍﺑﻮ ﻣﻮﺳﯽٰ ﺍﺷﻌﺮﯼؓ ﮐﯽ ﺗﻼﻭﺕِ ﻗﺮﺍٓﻥ ﺳُﻨﺘﮯ، ﺗﻮ ﻓﺮﻣﺎﺗﮯ ’’ ﺍﺑﻮ ﻣﻮﺳﯽٰ ﮐﻮ ﺍﻟﻠﮧ ﻧﮯ ’’ ﻟﺤﻦِ ﺩﺍﺋﻮﺩﯼ ‘‘ ﻋﻄﺎ ﻓﺮﻣﺎﯾﺎ ﮨﮯ۔ ‘‘

ﻗﺮﺍٓﻥِ ﭘﺎﮎ ﻣﯿﮟ ﺫﮐﺮ

ﻗﺮﺍٓﻥِ ﮐﺮﯾﻢ ﮐﯽ 9 ﺳﻮﺭﮦٔ ﻣﺒﺎﺭﮐﮧ، ﺳﻮﺭۃ ﺍﻟﺒﻘﺮﮦ، ﺳﻮﺭۃ ﺍﻟﻨﺴﺎﺀ، ﺳﻮﺭﮦٔ ﺍﻟﻤﺎﺋﺪﮦ، ﺳﻮﺭﮦٔ ﺍﻻﻧﻌﺎﻡ، ﺳﻮﺭﮦٔ ﺍﻻﺳﺮﺍﺀ، ﺳﻮﺭۃ ﺍﻻﻧﺒﯿﺎﺀ، ﺳﻮﺭۃ ﺍﻟﻨﻤﻞ، ﺳﻮﺭﮦٔ ﺳﺒﺎ ﺍﻭﺭ ﺳﻮﺭﮦٔ ﺹ ﻣﯿﮟ 16 ﻣﻘﺎﻣﺎﺕ ﭘﺮ ﺣﻀﺮﺕ ﺩﺍﺋﻮﺩؑ ﮐﺎ ﺫﮐﺮ ﮨﮯ۔ ﺑﻌﺾ ﺳﻮﺭﺗﻮﮞ ﻣﯿﮟ ﺗﻔﺼﯿﻞ ﺳﮯ ﺍﻭﺭ ﺑﻌﺾ ﻣﯿﮟ ﻣﺨﺘﺼﺮ ﻃﻮﺭ ﭘﺮ ﺍُﻥ ﮐﮯ ﺣﺎﻻﺕ ﻭ ﻭﺍﻗﻌﺎﺕ ﺑﯿﺎﻥ ﮐﯿﮯ ﮔﺌﮯ ﮨﯿﮟ، ﺟﺐ ﮐﮧ ﺍُﻥ ﭘﺮ ﻧﺎﺯﻝ ﮐﺮﺩﮦ ﮐﺘﺎﺏ، ﺯﺑﻮﺭ ﮐﺎ ﺗﯿﻦ ﺳﻮﺭﺗﻮﮞ ﻣﯿﮟ ﺫﮐﺮ ﮨﮯ۔

ﭘﮩﺎﮌﻭﮞ، ﺟﺎﻧﻮﺭﻭﮞ ﮐﯽ ﺗﺴﺒﯿﺢ

ﺍﻟﻠﮧ ﺗﻌﺎﻟﯽٰ ﺳﻮﺭۃ ﺍﻻﻧﺒﯿﺎﺀ ﻣﯿﮟ ﻓﺮﻣﺎﺗﮯ ﮨﯿﮟ ﮐﮧ ’’ ﮨﻢ ﻧﮯ ﭘﮩﺎﮌﻭﮞ ﮐﻮ ﺩﺍﺋﻮﺩؑ ﮐﮯ ﻟﯿﮯ ﻣﺴﺨّﺮ ﮐﺮ ﺩﯾﺎ ﮐﮧ ﺍُﻥ ﮐﮯ ﺳﺎﺗﮫ ﺗﺴﺒﯿﺢ ﮐﺮﺗﮯ ﺗﮭﮯ ﺍﻭﺭ ﺟﺎﻧﻮﺭﻭﮞ ﮐﻮ ﺑﮭﯽ ﻣﺴﺨّﺮ ﮐﺮ ﺩﯾﺎ ﺗﮭﺎ۔ ‘‘ ‏( ﺍٓﯾﺖ :79 ‏) ﻧﯿﺰ، ﺳﻮﺭﮦٔ ﺹ ﻣﯿﮟ ﺍﺭﺷﺎﺩ ﮨﮯ ’’ ﮨﻢ ﻧﮯ ﭘﮩﺎﮌﻭﮞ ﮐﻮ ﺍُﻥ ﮐﮯ ﺯﯾﺮِ ﻓﺮﻣﺎﻥ ﮐﺮ ﺩﯾﺎ ﺗﮭﺎ ﮐﮧ ﺻﺒﺢ ﻭ ﺷﺎﻡ ﺍُﻥ ﮐﮯ ﺳﺎﺗﮫ ﺍﻟﻠﮧ ﮐﯽ ﺗﺴﺒﯿﺢ ﮐﯿﺎ ﮐﺮﺗﮯ ﺗﮭﮯ ﺍﻭﺭ ﭘﺮﻧﺪﻭﮞ ﮐﻮ ﺑﮭﯽ ﮐﮧ ﺟﻤﻊ ﺭﮨﺘﮯ ﺗﮭﮯ ﺍﻭﺭ ﺳﺐ ﺍُﻥ ﮐﮯ ﻓﺮﻣﺎﮞ ﺑﺮﺩﺍﺭ ﺗﮭﮯ۔ ‘‘ ‏( ﺍٓﯾﺖ :19 ‏) ﻣﻔﺴّﺮﯾﻦ ﮐﮯ ﻣﻄﺎﺑﻖ، ﺍﻟﻠﮧ ﺗﺒﺎﺭﮎ ﺗﻌﺎﻟﯽٰ ﻧﮯ ﭘﮩﺎﮌﻭﮞ، ﭘﺮﻧﺪﻭﮞ ﺍﻭﺭ ﺟﺎﻧﻮﺭﻭﮞ ﮐﻮ ﺣﮑﻢ ﺩﯾﺎ ﺗﮭﺎ ﮐﮧ ﺟﺐ ﺣﻀﺮﺕ ﺩﺍﺋﻮﺩؑ ﺍﻟﻠﮧ ﺗﻌﺎﻟﯽٰ ﮐﺎ ﺫﮐﺮ ﮐﺮﯾﮟ، ﺗﻮ ﻭﮦ ﺳﺐ ﺑﮭﯽ ﺍﻥ ﮐﻠﻤﺎﺕ ﮐﻮ ﺩُﮨﺮﺍﺋﯿﮟ۔ ﺟﺐ ﻭﮦ ﺯﺑﻮﺭ ﮐﯽ ﺗﻼﻭﺕ ﮐﺮﺗﮯ، ﺗﻮ ﭘﺮﻧﺪﮮ ﺑﮭﯽ ﮨﻮﺍ ﻣﯿﮟ ﭨﮭﮩﺮ ﮐﺮ ﺍُﻥ ﮐﮯ ﺳﺎﺗﮫ ﺫﮐﺮِ ﺍﻟٰﮩﯽ ﻣﯿﮟ ﺷﺎﻣﻞ ﮨﻮﺟﺎﺗﮯ۔ ﺍﺳﯽ ﻃﺮﺡ ﭘﮩﺎﮌ، ﺷﺠﺮ ﺍﻭﺭ ﺩﯾﮕﺮ ﺟﺎﻧﻮﺭ ﺑﮭﯽ ﺍﻥ ﮐﮯ ﺳﺎﺗﮫ ﺍﻟﻠﮧ ﺗﻌﺎﻟﯽٰ ﮐﯽ ﺗﺴﺒﯿﺢ ﮐﺮﺗﮯ۔ ﺍﻟﻠﮧ ﺭﺏّ ﺍﻟﻌﺰّﺕ ﻧﮯ ﭘﺘﮭﺮﻭﮞ ﺍﻭﺭ ﺩﺭﺧﺘﻮﮞ ﻣﯿﮟ ﺑﮭﯽ ﺍﯾﮏ ﻃﺮﺡ ﮐﯽ ﺯﻧﺪﮔﯽ ﺭﮐﮭﯽ ﮨﮯ، ﯾﮧ ﺍﻟﮓ ﺑﺎﺕ ﮨﮯ ﮐﮧ ﮨﻤﯿﮟ ﺍُﺱ ﮐﺎ ﺷﻌﻮﺭ ﻧﮩﯿﮟ۔ ﺳﻮﺭﮦٔ ﺑﻨﯽ ﺍﺳﺮﺍﺋﯿﻞ ﻣﯿﮟ ﮨﮯ ’’ ﺳﺎﺗﻮﮞ ﺍٓﺳﻤﺎﻥ ﺍﻭﺭ ﺯﻣﯿﻦ ﺍﻭﺭ ﺟﻮ ﺑﮭﯽ ﺍُﻥ ﻣﯿﮟ ﮨﮯ، ﻭﮦ ﺳﺐ ﺍُﺳﯽ ﮐﯽ ﺗﺴﺒﯿﺢ ﮐﺮ ﺭﮨﮯ ﮨﯿﮟ۔ ﺍﯾﺴﯽ ﮐﻮﺋﯽ ﭼﯿﺰ ﻧﮩﯿﮟ، ﺟﻮ ﺍُﺳﮯ ﭘﺎﮐﯿﺰﮔﯽ ﺍﻭﺭ ﺗﻌﺮﯾﻒ ﮐﮯ ﺳﺎﺗﮫ ﯾﺎﺩ ﻧﮧ ﮐﺮﺗﯽ ﮨﻮ۔ ﮨﺎﮞ ! ﯾﮧ ﺻﺤﯿﺢ ﮨﮯ ﮐﮧ ﺗﻢ ﺍﺱ ﮐﯽ ﺗﺴﺒﯿﺢ ﮐﻮ ﺳﻤﺠﮫ ﻧﮩﯿﮟ ﺳﮑﺘﮯ۔ ‘‘ ‏( ﺍٓﯾﺖ :44 ‏)

ﻟﻮﮨﺎ، ﻣﻮﻡ ﺑﻦ ﺟﺎﺗﺎ

ﺍﻟﻠﮧ ﺗﺒﺎﺭﮎ ﺗﻌﺎﻟﯽٰ ﻧﮯ ﺣﻀﺮﺕ ﺩﺍﺋﻮﺩؑ ﮐﻮ ﺩﻭﺳﺮﺍ ﻣﻌﺠﺰﮦ ﯾﮧ ﻋﻄﺎ ﻓﺮﻣﺎﯾﺎ ﮐﮧ ﻟﻮﮨﮯ ﮐﻮ ﺍُﻥ ﮐﮯ ﻟﯿﮯ ﻣﻮﻡ ﮐﯽ ﻃﺮﺡ ﻧﺮﻡ ﻓﺮﻣﺎ ﺩﯾﺎ ۔ ﺍﺭﺷﺎﺩِ ﺑﺎﺭﯼ ﮨﮯ ’’ ﺍﻭﺭ ﺍُﻥ ﮐﮯ ﻟﯿﮯ ﮨﻢ ﻧﮯ ﻟﻮﮨﮯ ﮐﻮ ﻧﺮﻡ ﮐﺮ ﺩﯾﺎ ﮐﮧ ﮐﺸﺎﺩﮦ ﺯِﺭﮨﯿﮟ ﺑﻨﺎﺋﻮ ﺍﻭﺭ ﮐﮍﯾﻮﮞ ﮐﻮ ﺍﻧﺪﺍﺯﮮ ﺳﮯ ﺟﻮﮌﻭ ﺍﻭﺭ ﻧﯿﮏ ﻋﻤﻞ ﮐﺮﻭ۔ ‘‘ ‏( ﺳﻮﺭﮦٔ ﺳﺒﺎ 10,11 : ‏) ﺣﻀﺮﺕ ﺣﺴﻦ ﺑﺼﺮﯼؒ، ﻗﺘﺎﺩﮦؒ ﺍﻭﺭ ﺍﻋﻤﺶؒ ﻓﺮﻣﺎﺗﮯ ﮨﯿﮟ ﮐﮧ ﺍﻟﻠﮧ ﻧﮯ ﺍُﻥ ﮐﮯ ﻟﯿﮯ ﻟﻮﮨﮯ ﮐﻮ ﻧﺮﻡ ﮐﺮ ﺩﯾﺎ، ﺣﺘﯽٰ ﮐﮧ ﺑﻐﯿﺮ ﺍٓﮒ ﻭ ﺑﮭﭩّﯽ ﮐﮯ ﺍﭘﻨﮯ ﮨﺎﺗﮫ ﮐﮯ ﺳﺎﺗﮫ ﺍُﺳﮯ ﮨﺮ ﻃﺮﺡ ﺳﮯ ﻣﻮﮌ ﻟﯿﺎ ﮐﺮﺗﮯ ﺗﮭﮯ۔ ﺍُﻧﮭﯿﮟ ﻟﻮﮨﺎ ﻣﻮﮌﻧﮯ ﮐﮯ ﻟﯿﮯ ﮨﺘﮭﻮﮌﮮ ﮐﯽ ﺿﺮﻭﺭﺕ ﭘﮍﺗﯽ ﺍﻭﺭ ﻧﮧ ﮐﺴﯽ ﺩﻭﺳﺮﮮ ﺍﻭﺯﺍﺭ ﮐﯽ، ﻭﮦ ﻣﻮﻡ ﮐﯽ ﻃﺮﺡ ﮨﺎﺗﮫ ﺳﮯ ﺍُﺱ ﮐﯽ ﮐﮍﯾﺎﮞ ﺑﻨﺎ ﻟﯿﺎ ﮐﺮﺗﮯ ﺗﮭﮯ۔ ﺣﻀﺮﺕ ﻗﺘﺎﺩﮦؒ ﻓﺮﻣﺎﺗﮯ ﮨﯿﮟ ﮐﮧ ﺳﺐ ﺳﮯ ﭘﮩﻠﮯ ﺷﺨﺺ، ﺟﻨﮩﻮﮞ ﻧﮯ ﮐﮍﯾﻮﮞ ﮐﯽ ﺍﻧﺘﮩﺎﺋﯽ ﻣﺤﻔﻮﻅ ﺯِﺭﮦ ﺑﻨﺎﺋﯽ، ﻭﮦ ﺣﻀﺮﺕ ﺩﺍﺋﻮﺩؑ ﮨﯿﮟ۔ﺍﺱ ﺳﮯ ﭘﮩﻠﮯ ﺻﺎﻑ ﭼﺎﺩﺭ ﮐﯽ ﺯِﺭﮨﯿﮟ ﺑﻨﺘﯽ ﺗﮭﯿﮟ۔ ﺍﺑﻦِ ﺷﻮﺯﺏؒ ﻓﺮﻣﺎﺗﮯ ﮨﯿﮟ ﮐﮧ ﺍٓﭖؑ ﺩﻥ ﻣﯿﮟ ﺍﯾﮏ ﺯِﺭﮦ ﺑﻨﺎ ﻟﯿﺎ ﮐﺮﺗﮯ، ﺟﻮ ﭼﮭﮯ ﺳﻮ ﺩﺭﮨﻢ ﻣﯿﮟ ﻓﺮﻭﺧﺖ ﮨﻮﺗﯽ۔

ﺯِﺭﮦ ﺳﺎﺯﯼ ﮐﯽ ﺣﮑﻤﺖ

ﺍﻟﻠﮧ ﺗﻌﺎﻟﯽٰ ﺍﺭﺷﺎﺩ ﻓﺮﻣﺎﺗﮯ ﮨﯿﮟ ’’ ﺍﻭﺭ ﮨﻢ ﻧﮯ ﺍُﺳﮯ ‏( ﺩﺍﺋﻮﺩؑ ﮐﻮ ‏) ﺗﻤﮩﺎﺭﮮ ﻟﯿﮯ ﻟﺒﺎﺱ ﺑﻨﺎﻧﮯ ﮐﺎ ﮨﻨﺮ ﺳِﮑﮭﺎﯾﺎ ﺗﺎﮐﮧ ﻟﮍﺍﺋﯽ ﮐﮯ ﺿﺮﺭ ﺳﮯ ﺗﻤﮩﺎﺭﺍ ﺑﭽﺎﺋﻮ ﮨﻮ۔ )‘‘ ﺳﻮﺭۃ ﺍﻻﻧﺒﯿﺎﺀ :80 ‏) ﺗﻔﺴﯿﺮ ﺍﺑﻦِ ﮐﺜﯿﺮ ﻣﯿﮟ ﺣﺎﻓﻆ ﺍﺑﻦِ ﻋﺴﺎﮐﺮؒ ﮐﯽ ﺭﻭﺍﯾﺖ ﮨﮯ ﮐﮧ ﺣﻀﺮﺕ ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﺍﭘﻨﯽ ﺧﻼﻓﺖ ﮐﮯ ﺯﻣﺎﻧﮯ ﻣﯿﮟ ﺑﮭﯿﺲ ﺑﺪﻝ ﮐﺮ ﺑﺎﺯﺍﺭﻭﮞ ﻣﯿﮟ ﺟﺎﺗﮯ ﺍﻭﺭ ﻟﻮﮔﻮﮞ ﺳﮯ ﭘﻮﭼﮭﺎ ﮐﺮﺗﮯ ﮐﮧ ’’ ﺩﺍﺋﻮﺩ ﮐﯿﺴﮯ ﺍٓﺩﻣﯽ ﮨﯿﮟ؟ ‘‘ ﭼﻮﮞ ﮐﮧ ﺳﻠﻄﻨﺖ ﻣﯿﮟ ﻋﺪﻝ ﻭ ﺍﻧﺼﺎﻑ ﻋﺎﻡ ﺗﮭﺎ ﺍﻭﺭ ﻟﻮﮒ ﺍٓﺭﺍﻡ ﻭ ﻋﯿﺶ ﺳﮯ ﺭﮨﺘﮯ ﺗﮭﮯ، ﮐﺴﯽ ﮐﻮ ﺣﮑﻮﻣﺖ ﺳﮯ ﺷﮑﺎﯾﺖ ﻧﮧ ﺗﮭﯽ، ﺍﺱ ﻟﯿﮯ ﺍٓﭖؑ ﺟﺲ ﺳﮯ ﺑﮭﯽ ﺳﻮﺍﻝ ﮐﺮﺗﮯ، ﻭﮦ ﺣﻀﺮﺕ ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﮐﯽ ﺗﻌﺮﯾﻒ ﮨﯽ ﮐﺮﺗﺎ۔ ﺍﻟﻠﮧ ﺗﻌﺎﻟﯽٰ ﻧﮯ ﺍٓﭖؑ ﮐﯽ ﺗﻌﻠﯿﻢ ﮐﮯ ﻟﯿﮯ ﺍﯾﮏ ﻓﺮﺷﺘﮯ ﮐﻮ ﺍﻧﺴﺎﻧﯽ ﺷﮑﻞ ﻣﯿﮟ ﺑﮭﯿﺠﺎ، ﺗﻮ ﺍٓﭖؑ ﻧﮯ ﺣﺴﺐِ ﻋﺎﺩﺕ ﺍُﺱ ﺳﮯ ﺑﮭﯽ ﻭﮨﯽ ﺳﻮﺍﻝ ﮐﯿﺎ۔ ﻓﺮﺷﺘﮯ ﻧﮯ ﺟﻮﺍﺏ ﺩﯾﺎ ’’ ﺩﺍﺋﻮﺩ ﺑﮩﺖ ﺍﭼﮭﮯ ﺍٓﺩﻣﯽ ﮨﯿﮟ۔ ﻭﮦ ﺍﭘﻨﮯ ﻧﻔﺲ ﺍﻭﺭ ﺍﭘﻨﯽ ﺭﻋﯿّﺖ ﮐﮯ ﻟﯿﮯ ﺑﮭﯽ ﺑﮩﺘﺮ ﮨﯿﮟ، ﻣﮕﺮ ﺍُﻥ ﻣﯿﮟ ﺍﯾﮏ ﻋﺎﺩﺕ ﺍﯾﺴﯽ ﮨﮯ ﮐﮧ ﻭﮦ ﻧﮧ ﮨﻮﺗﯽ، ﺗﻮ ﮐﺎﻣﻞ ﺍﻧﺴﺎﻥ ﮨﻮﺗﮯ۔ ‘‘ ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﻧﮯ ﭘﻮﭼﮭﺎ ’’ ﻭﮦ ﮐﯿﺎ ﻋﺎﺩﺕ ﮨﮯ؟ ‘‘ ﻓﺮﺷﺘﮯ ﻧﮯ ﮐﮩﺎ ’’ ﻭﮦ ﺍﭘﻨﮯ ﺍﻭﺭ ﺍﮨﻞ ﻭ ﻋﯿﺎﻝ ﮐﮯ ﺧﺮﭺ ﮐﮯ ﻟﯿﮯ ﺑﯿﺖ ﺍﻟﻤﺎﻝ ﻣﯿﮟ ﺳﮯ ﻟﯿﺘﮯ ﮨﯿﮟ۔ ‘‘ ﯾﮧ ﺑﺎﺕ ﺳُﻦ ﮐﺮ ﺣﻀﺮﺕ ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﻧﮯ ﺩُﻋﺎ ﻓﺮﻣﺎﺋﯽ ’’ ﺍﮮ ﺍﻟﻠﮧ ! ﻣﺠﮭﮯ ﮐﻮﺋﯽ ﺍﯾﺴﺎ ﮐﺎﻡ ﺳِﮑﮭﺎ ﺩﮮ، ﺟﻮ ﻣَﯿﮟ ﺍﭘﻨﮯ ﮨﺎﺗﮫ ﺳﮯ ﮐﺮﻭﮞ ﺍﻭﺭ ﺍُﺱ ﮐﯽ ﺍُﺟﺮﺕ ﺳﮯ ﺍﮨﻞ ﻭ ﻋﯿﺎﻝ ﮐﮯ ﺍﺧﺮﺍﺟﺎﺕ ﭘﻮﺭﮮ ﮐﺮﺳﮑﻮﮞ۔ ﻋﻮﺍﻡ ﮐﯽ ﺧﺪﻣﺖ ﺍﻭﺭ ﺳﻠﻄﻨﺖ ﮐﮯ ﺗﻤﺎﻡ ﮐﺎﻡ ﺑﻼ ﻣﻌﺎﻭﺿﮧ ﮐﺮﻭﮞ۔ ‘‘ ﺍُﻥ ﮐﯽ ﺩُﻋﺎ ﻗﺒﻮﻝ ﮨﻮﺋﯽ ﺍﻭﺭ ﺍُﻧﮭﯿﮟ ﺯِﺭﮦ ﺑﻨﺎﻧﮯ ﮐﺎ ﮨﻨﺮ ﺳِﮑﮭﺎ ﺩﯾﺎ ﮔﯿﺎ۔ ‏( ﻣﻌﺎﺭﻑ ﺍﻟﻘﺮﺍٓﻥ، ﺝ 7 ، ﺹ 262 ‏)

ﻋﺒﺎﺩﺕ ﻭ ﺍﻃﺎﻋﺖ

ﻗﺮﺍٓﻥِ ﮐﺮﯾﻢ ﻣﯿﮟ ﺍﺭﺷﺎﺩ ﮨﮯ ’’ ﮨﻤﺎﺭﮮ ﺑﻨﺪﮮ ﺩﺍﺋﻮﺩؑ ﮐﻮ ﯾﺎﺩ ﮐﺮﻭ، ﺟﻮ ﺻﺎﺣﺐ ﻗﻮّﺕ ﺗﮭﮯ ﺍﻭﺭ ﺑﮯ ﺷﮏ ﻭﮦ ﺭﺟﻮﻉ ﮐﺮﻧﮯ ﻭﺍﻟﮯ ﺗﮭﮯ۔ ‘‘ ‏( ﺳﻮﺭﮦٔ ﺹ :17 ‏) ﻣﻔﺴّﺮﯾﻦ ﻓﺮﻣﺎﺗﮯ ﮨﯿﮟ ﮐﮧ ﺍﺱ ﺍٓﯾﺖِ ﻣﺒﺎﺭﮐﮧ ﻣﯿﮟ ﺍﻟﻠﮧ ﺗﻌﺎﻟﯽٰ ﻧﮯ ﺣﻀﺮﺕ ﺩﺍﺋﻮﺩؑ ﮐﮯ ﺑﮩﺖ ﺯﯾﺎﺩﮦ ﻋﺒﺎﺩﺕ ﻣﯿﮟ ﻣﺼﺮﻭﻑ ﺭﮨﻨﮯ ﮐﯽ ﺟﺎﻧﺐ ﺍﺷﺎﺭﮦ ﻓﺮﻣﺎﯾﺎ ﮨﮯ۔ ﺣﺪﯾﺚِ ﻣﺒﺎﺭﮐﮧؐ ﻣﯿﮟ ﺍٓﺗﺎ ﮨﮯ ﮐﮧ ’’ ﺍﻟﻠﮧ ﺗﻌﺎﻟﯽٰ ﮐﻮ ﺳﺐ ﺳﮯ ﺯﯾﺎﺩﮦ ﻣﺤﺒﻮﺏ ﻧﻤﺎﺯ، ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﮐﯽ ﻧﻤﺎﺯ ﺍﻭﺭ ﺳﺐ ﺳﮯ ﺯﯾﺎﺩﮦ ﻣﺤﺒﻮﺏ ﺭﻭﺯﮮ، ﺩﺍﺋﻮﺩ ﻋﻠﯿﮧ ﺍﻟﺴّﻼﻡ ﮐﮯ ﺭﻭﺯﮮ ﮨﯿﮟ۔ ﻭﮦ ﻧﺼﻒ ﺭﺍﺕ ﺗﮏ ﺳﻮﺗﮯ، ﭘﮭﺮ ﺍُﭨﮫ ﮐﺮ ﺭﺍﺕ ﮐﺎ ﺗﮩﺎﺋﯽ ﺣﺼّﮧ ﻋﺒﺎﺩﺕ ﻣﯿﮟ ﮐﮭﮍﮮ ﺭﮨﺘﮯ ﺍﻭﺭ ﺭﺍﺕ ﮐﮯ ﺍٓﺧﺮﯼ ﺣﺼّﮯ ﻣﯿﮟ ﺳﻮ ﺟﺎﺗﮯ۔ ﺍﯾﮏ ﺩﻥ ﺭﻭﺯﮦ ﺭﮐﮭﺘﮯ ﺍﻭﺭ ﺍﯾﮏ ﺩﻥ ﻧﺎﻏﮧ ﮐﺮﺗﮯ۔ ﺟﻨﮓ ﻣﯿﮟ ﻓﺮﺍﺭ ﻧﮧ ﮨﻮﺗﮯ۔ ‘‘ ‏( ﺻﺤﯿﺢ ﺑﺨﺎﺭﯼ ﻭﻣﺴﻠﻢ ‏) ﺣﻀﺮﺕ ﺩﺍﺋﻮﺩؑ ﺍﭘﻨﮯ ﺯﻣﺎﻧﮯ ﻣﯿﮟ ﻟﻮﮔﻮﮞ ﮐﮯ ﻣﻘﺘﺪﺍ ﻭ ﭘﯿﺸﻮﺍ ﺗﮭﮯ، ﺍٓﭖؑ ﻋﺪﻝ ﻭ ﺍﻧﺼﺎﻑ ﺍﻭﺭ ﺯﮨﺪ ﻭ ﺗﻘﻮﯼٰ ﻣﯿﮟ ﻣﺸﮩﻮﺭ ﺗﮭﮯ۔ﺍٓﭖؑ ﺑﮯ ﻣﺜﺎﻝ ﺧﻄﯿﺐ ﺑﮭﯽ ﺗﮭﮯ ﺍﻭﺭ ﺧﻄﺒﺎﺕ ﻣﯿﮟ ﺣﻤﺪ ﻭﺛﻨﺎ ﮐﮯ ﺑﻌﺪ ’’ ﺍَﻣّﺎﺑﻌﺪ ‘‘ ﺳﺐ ﺳﮯ ﭘﮩﻠﮯ ﺍُﻧﮩﻮﮞ ﻧﮯ ﮨﯽ ﮐﮩﻨﺎ ﺷﺮﻭﻉ ﮐﯿﺎ۔ ‏( ﻣﻌﺎﺭﻑ ﺍﻟﻘﺮﺍٓﻥ ‏)

ﺳﻠﻄﻨﺖ ﻭ ﺑﺎﺩﺷﺎﮨﺖ

ﺍﻟﻠﮧ ﺗﻌﺎﻟﯽٰ ﻧﮯ ﺣﻀﺮﺕ ﺩﺍﺋﻮﺩؑ ﮐﻮ ﻧﺒﻮّﺕ ﺍﻭﺭ ﺭﺳﺎﻟﺖ ﮐﮯ ﺳﺎﺗﮫ، ﺣﮑﻮﻣﺖ ﺑﮭﯽ ﻋﻄﺎ ﻓﺮﻣﺎﺋﯽ ﺗﮭﯽ۔ﺍٓﭖؑ ﻓﻦِ ﺧﻄﺎﺑﺖ ﮐﮯ ﻣﺎﮨﺮ ﺗﮭﮯ، ﺟﺐ ﮐﮧ ﺍٓﻭﺍﺯ ﺑﮭﯽ ﺧُﻮﺏ ﺻﻮﺭﺕ ﭘﺎﺋﯽ ﺗﮭﯽ، ﻟﮩٰﺬﺍ، ﺩﺭﺱ ﻭ ﺗﺒﻠﯿﻎ ﺍﻭﺭ ﻭﻋﻆ ﻭ ﻧﺼﯿﺤﺖ ﮐﮯ ﺫﺭﯾﻌﮯ ﺑﻨﯽ ﺍﺳﺮﺍﺋﯿﻞ ﻣﯿﮟ ﺟﺬﺑﮧٔ ﺟﮩﺎﺩ ﺍُﺑﮭﺎﺭﺍ ﺍﻭﺭ ﺍُﻧﮩﯿﮟ ﮐﻔﺎﺭ ﻭ ﻣﺸﺮﮐﯿﻦ ﮐﮯ ﺳﺎﺗﮫ ﺟﻨﮓ ﭘﺮ ﺍٓﻣﺎﺩﮦ ﮐﯿﺎ۔ ﻗﺮﺍٓﻥِ ﮐﺮﯾﻢ ﻣﯿﮟ ﺍﺭﺷﺎﺩِ ﺑﺎﺭﯼ ﮨﮯ ’’ ﺍﻭﺭ ﮨﻢ ﻧﮯ ﺍُﺱ ‏( ﺩﺍﺋﻮﺩؑ ‏) ﮐﯽ ﺣﮑﻮﻣﺖ ﮐﻮ ﻣﻀﺒﻮﻁ ﮐﯿﺎ ﺍﻭﺭ ﺍُﻧﮭﯿﮟ ﺣﮑﻤﺖ، ﻧﺒﻮّﺕ ﺍﻭﺭ ﻓﯿﺼﻠﮯ ﮐﯽ ﻗﻮّﺕ ﻋﻄﺎ ﻓﺮﻣﺎﺋﯽ۔ ‘‘ ‏( ﺳﻮﺭﮦٔ ﺹ :20 ‏) ﺑﮩﺖ ﺗﮭﻮﮌﮮ ﻋﺮﺻﮯ ﻣﯿﮟ ﻓﻠﺴﻄﯿﻦ، ﻋﺮﺍﻕ، ﺷﺎﻡ، ﺩﻣﺸﻖ، ﺷﺮﻕِ ﺍﺭﺩﻥ ﺍﻭﺭ ﺧﻠﯿﺞِ ﻋﻘﺒﮧ ﺳﮯ ﻓﺮﺍﺕ ﺗﮏ ﺟﺰﯾﺮۃ ﺍﻟﻌﺮﺏ ﮐﮯ ﺑﯿﺶ ﺗﺮ ﻋﻼﻗﮯ ﺍُﻥ ﮐﮯ ﺯﯾﺮِ ﻧﮕﯿﮟ ﺍٓ ﭼُﮑﮯ ﺗﮭﮯ۔

ﻧﺎﻓﺮﻣﺎﻥ ﺑﻨﺪﺭ ﺍﻭﺭ ﺧﻨﺰﯾﺮ ﺑﻦ ﮔﺌﮯ

ﺍﻟﻠﮧ ﺗﺒﺎﺭﮎ ﺗﻌﺎﻟﯽٰ ﺍﺭﺷﺎﺩ ﻓﺮﻣﺎﺗﮯ ﮨﯿﮟ ’’ ﺍﻭﺭ ﺗﻢ ﺍُﻥ ﻟﻮﮔﻮﮞ ﮐﻮ ﺧُﻮﺏ ﺟﺎﻧﺘﮯ ﮨﻮ، ﺟﻮ ﺗﻢ ﻣﯿﮟ ﺳﮯ ﮨﻔﺘﮯ ﮐﮯ ﺩﻥ ‏( ﻣﭽﮭﻠﯽ ﮐﺎ ﺷﮑﺎﺭ ﮐﺮﻧﮯ ‏) ﻣﯿﮟ ﺣﺪ ﺳﮯ ﺗﺠﺎﻭﺯ ﮐﺮ ﮔﺌﮯ ﺗﮭﮯ۔ ﺗﻮ ﮨﻢ ﻧﮯ ﺍُﻥ ﺳﮯ ﮐﮩﺎ ’’ ﺫﻟﯿﻞ ﻭ ﺧﻮﺍﺭ ﺑﻨﺪﺭ ﮨﻮ ﺟﺎﺋﻮ۔ ‘‘ ‏( ﺳﻮﺭۃ ﺍﻟﺒﻘﺮﮦ :65 ‏) ﻣﻔﺴّﺮﯾﻦ ﮐﮯ ﻣﻄﺎﺑﻖ، ﺻُﻮﺭﺗﯿﮟ ﻣﺴﺦ ﮨﻮﻧﮯ ﮐﺎ ﯾﮧ ﻭﺍﻗﻌﮧ ﺣﻀﺮﺕ ﺩﺍﺋﻮﺩؑ ﮐﮯ ﺯﻣﺎﻧﮯ ﻣﯿﮟ ﭘﯿﺶ ﺍٓﯾﺎ۔ ﺑﻨﯽ ﺍﺳﺮﺍﺋﯿﻞ ﮐﮯ ﻟﯿﮯ ﮨﻔﺘﮯ ﮐﺎ ﺩﻥ ﺻﺮﻑ ﻋﺒﺎﺩﺕ ﮐﮯ ﻟﯿﮯ ﻣﺨﺼﻮﺹ ﺗﮭﺎ ﺍﻭﺭ ﺍُﺱ ﺩﻥ ﻣﭽﮭﻠﯽ ﮐﮯ ﺷﮑﺎﺭ ﺳﻤﯿﺖ ﮨﺮ ﺩﻧﯿﺎﻭﯼ ﮐﺎﻡ ﻣﻤﻨﻮﻉ ﺗﮭﺎ، ﻟﯿﮑﻦ ﺳﻤﻨﺪﺭ ﮐﮯ ﮐﻨﺎﺭﮮ ﺍٓﺑﺎﺩ ﻣﭽﮭﻠﯽ ﮐﮯ ﺷﻮﻗﯿﻦ ﺍُﻥ ﻟﻮﮔﻮﮞ ﻧﮯ ﺣﮑﻢ ﮐﯽ ﻧﺎﻓﺮﻣﺎﻧﯽ ﮐﯽ، ﺟﺲ ﭘﺮ ﺍﻟﻠﮧ ﺗﻌﺎﻟﯽٰ ﻧﮯ ﺍُﻥ ﮐﯽ ﺷﮑﻠﻮﮞ ﮐﻮ ﻣﺴﺦ ﮐﺮ ﺩﯾﺎ ﺍﻭﺭ ﭘﮭﺮ ﺗﯿﻦ ﺩﻥ ﺑﻌﺪ ﻭﮦ ﺳﺐ ﻟﻮﮒ ﻣﺮ ﮔﺌﮯ۔ ﺗﻔﺴﯿﺮِ ﻗﺮﻃﺒﯽ ﻣﯿﮟ ﮨﮯ ﮐﮧ ﯾﮩﻮﺩ ﻧﮯ ﺷﺮﻭﻉ ﻣﯿﮟ ﺗﻮ ﺣﯿﻠﮯ ﺑﮩﺎﻧﮯ ﮐﺮ ﮐﮯ ﻣﭽﮭﻠﯿﺎﮞ ﭘﮑﮍﯾﮟ، ﭘﮭﺮ ﻋﺎﻡ ﻃﻮﺭ ﭘﺮ ﺷﮑﺎﺭ ﮐﮭﯿﻠﻨﮯ ﻟﮕﮯ، ﺗﻮ ﺍُﻥ ﻣﯿﮟ ﺩﻭ ﺟﻤﺎﻋﺘﯿﮟ ﮨﻮ ﮔﺌﯿﮟ۔ ﺍﯾﮏ ﺟﻤﺎﻋﺖ ﻣﯿﮟ ﻋﻠﻤﺎﺀ ﻭ ﺻﻠﺤﺎ ﺗﮭﮯ،ﺟﻮ ﺍُﻧﮩﯿﮟ ﺍﺱ ﮐﺎﻡ ﺳﮯ ﺭﻭﮐﺘﮯ، ﺟﺐ ﮐﮧ ﺩﻭﺳﺮﯼ ﺟﻤﺎﻋﺖ ﻧﺎﻓﺮﻣﺎﻥ ﺍﻓﺮﺍﺩ ﭘﺮ ﻣﺸﺘﻤﻞ ﺗﮭﯽ۔ ﭘﮭﺮ ﺑﺴﺘﯽ ﮐﮯ ﺑﮭﯽ ﺩﻭ ﺣﺼّﮯ ﮐﺮ ﻟﯿﮯ ﮔﺌﮯ ﺍﻭﺭ ﺍُﻥ ﮐﮯ ﺑﺎﮨﻤﯽ ﺗﻌﻠﻘﺎﺕ ﻣﻨﻘﻄﻊ ﮨﻮ ﮔﺌﮯ۔ ﺍﯾﮏ ﺭﻭﺯ ﻣﺤﺴﻮﺱ ﮨﻮﺍ ﮐﮧ ﺟﺲ ﺣﺼّﮯ ﻣﯿﮟ ﻧﺎﻓﺮﻣﺎﻥ ﺭﮨﺘﮯ ﮨﯿﮟ، ﻭﮨﺎﮞ ﺑﺎﻟﮑﻞ ﺳﻨّﺎﭨﺎ ﮨﮯ۔ ﺟﺐ ﻭﮨﺎﮞ ﺟﺎ ﮐﺮ ﺩﯾﮑﮭﺎ ﮔﯿﺎ، ﺗﻮ ﻭﮨﺎﮞ ﺭﮨﻨﮯ ﻭﺍﻟﻮﮞ ﮐﯽ ﺻُﻮﺭﺗﯿﮟ ﻣﺴﺦ ﮨﻮ ﭼُﮑﯽ ﺗﮭﯿﮟ۔ ﺣﻀﺮﺕ ﻗﺘﺎﺩﮦؒ ﻓﺮﻣﺎﺗﮯ ﮨﯿﮟ ﮐﮧ ﺍُﻥ ﮐﮯ ﺟﻮﺍﻥ، ﺑﻨﺪﺭ ﺍﻭﺭ ﺑﻮﮌﮬﮯ، ﺧﻨﺰﯾﺮ ﺑﻨﺎ ﺩﯾﮯ ﮔﺌﮯ ﺗﮭﮯ، ﻣﮕﺮ ﻭﮦ ﺍﭘﻨﮯ ﺭﺷﺘﮯ ﺩﺍﺭ ﺍﻧﺴﺎﻧﻮﮞ ﮐﻮ ﭘﮩﭽﺎﻧﺘﮯ ﺗﮭﮯ ﺍﻭﺭ ﺍُﻥ ﮐﮯ ﻗﺮﯾﺐ ﺍٓ ﮐﺮ ﺭﻭﺗﮯ ﺗﮭﮯ۔

ﻣﻤﺴﻮﺥ ﻗﻮﻡ ﮐﯽ ﻧﺴﻞ ﻧﮩﯿﮟ ﭼﻠﺘﯽ

ﺣﻀﺮﺕ ﻋﺒﺪﺍﻟﻠﮧ ﺑﻦ ﻣﺴﻌﻮﺩؓ ﺳﮯ ﺻﺤﯿﺢ ﻣﺴﻠﻢ ﻣﯿﮟ ﻣﻨﻘﻮﻝ ﮨﮯ ﮐﮧ ﺑﻌﺾ ﻟﻮﮔﻮﮞ ﻧﮯ ﺍﭘﻨﮯ ﺯﻣﺎﻧﮯ ﮐﮯ ﺑﻨﺪﺭﻭﮞ ﺍﻭﺭ ﺧﻨﺰﯾﺮﻭﮞ ﮐﮯ ﺑﺎﺭﮮ ﻣﯿﮟ ﺍٓﻧﺤﻀﺮﺕؐ ﺳﮯ ﺩﺭﯾﺎﻓﺖ ﮐﯿﺎ ﮐﮧ ’’ ﮐﯿﺎ ﯾﮧ ﻭﮨﯽ ﻣﺴﺦ ﺷﺪﮦ ﺷﮑﻠﻮﮞ ﻭﺍﻟﮯ ﯾﮩﻮﺩﯼ ﮨﯿﮟ؟ ‘‘ ﺍٓﭖﷺ ﻧﮯ ﻓﺮﻣﺎﯾﺎ ’’ ﺍﻟﻠﮧ ﺗﻌﺎﻟﯽٰ ﺟﺐ ﮐﺴﯽ ﻗﻮﻡ ﻣﯿﮟ ﻣﺴﺦ ﺻﻮﺭﺕ ﮐﺎ ﻋﺬﺍﺏ ﻧﺎﺯﻝ ﮐﺮﺗﮯ ﮨﯿﮟ، ﺗﻮ ﺍُﻥ ﮐﯽ ﻧﺴﻞ ﻧﮩﯿﮟ ﭼﻠﺘﯽ ‏( ﺑﻠﮑﮧ ﭼﻨﺪ ﺭﻭﺯ ﻣﯿﮟ ﮨﻼﮎ ﮨﻮ ﮐﺮ ﺧﺘﻢ ﮨﻮ ﺟﺎﺗﮯ ﮨﯿﮟ ‏) ۔ ﺑﻨﺪﺭ ﺍﻭﺭ ﺧﻨﺰﯾﺮ ﺩﻧﯿﺎ ﻣﯿﮟ ﭘﮩﻠﮯ ﮨﯽ ﺳﮯ ﻣﻮﺟﻮﺩ ﺗﮭﮯ۔ ‘‘ ‏( ﻣﻌﺎﺭﻑ ﺍﻟﻘﺮﺍٓﻥ، ﺝ ﺍﻭّﻝ، ﺹ 243 ‏)

ﺣﻀﺮﺕ ﺩﺍﺋﻮﺩؑ ﮐﺎ ﻭﺻﺎﻝ

ﺣﻀﺮﺕ ﺩﺍﺋﻮﺩؑ ﻧﮯ ﺍﯾﮏ ﺳﻮ ﺳﺎﻝ ﮐﯽ ﻋُﻤﺮ ﻣﯿﮟ ﻭﻓﺎﺕ ﭘﺎﺋﯽ۔ ﺍٓﭖؑ ﻧﮯ ﻭﺳﯿﻊ ﻭ ﻋﺮﯾﺾ ﺳﻠﻄﻨﺖ ﭘﺮ ﭼﺎﻟﯿﺲ ﺳﺎﻝ ﺣﮑﻮﻣﺖ ﮐﯽ۔ ﺣﻀﺮﺕ ﺍﺑﻦِ ﻋﺒﺎﺱؓ ﺳﮯ ﻣﺮﻭﯼ ﮨﮯ ﮐﮧ ﺣﻀﺮﺕ ﺩﺍﺋﻮﺩؑ ﮨﻔﺘﮯ ﮐﮯ ﺩﻥ ﺍﭼﺎﻧﮏ ﻭﻓﺎﺕ ﭘﺎ ﮔﺌﮯ ﺍﻭﺭ ﭘﺮﻧﺪﻭﮞ ﮐﯽ ﭨﮑﮍﯾﺎﮞ ﺍَﺑﺮ ﮐﯽ ﻃﺮﺡ ﺍُﻥ ﭘﺮ ﺳﺎﯾﮧ ﻓﮕﻦ ﺗﮭﯿﮟ۔ ﺍٓﭖؑ ﮐﮯ ﺟﻨﺎﺯﮮ ﻣﯿﮟ ﺷﺮﯾﮏ ﺻﺮﻑ ﻋﻠﻤﺎﺋﮯ ﺑﻨﯽ ﺍﺳﺮﺍﺋﯿﻞ ﮐﯽ ﺗﻌﺪﺍﺩ ﭼﺎﻟﯿﺲ ﮨﺰﺍﺭ ﺗﮭﯽ، ﺟﺐ ﮐﮧ ﻋﻮﺍﻡ ﺍﻟﻨّﺎﺱ ﮐﯽ ﮐﺜﯿﺮ ﺗﻌﺪﺍﺩ ﺍﺱ ﮐﮯ ﻋﻼﻭﮦ ﺗﮭﯽ۔ ﺑﻨﯽ ﺍﺳﺮﺍﺋﯿﻞ ﻣﯿﮟ ﺣﻀﺮﺕ ﻣﻮﺳﯽٰ ؑﺍﻭﺭ ﺣﻀﺮﺕ ﮨﺎﺭﻭﻥؑ ﮐﯽ ﻭﻓﺎﺕ ﮐﮯ ﺑﻌﺪ ﺍﺱ ﻗﺪﺭ ﺭﻧﺞ ﻭ ﻏﻢ ﮐﺴﯽ ﺍﻭﺭ ﮐﯽ ﻭﻓﺎﺕ ﭘﺮ ﻧﮧ ﮨﻮﺍ ﺗﮭﺎ۔ ‏( ﺍﺑﻦِ ﮐﺜﯿﺮ ‏